خانه / اشعار و مدایح / حسینون سینه سینده داغ حسرت یا رسول الله #خروج_مدینه #فیروز_جوانشیر

حسینون سینه سینده داغ حسرت یا رسول الله #خروج_مدینه #فیروز_جوانشیر

حسینون سینه سینده داغ حسرت یا رسول الله #خروج_مدینه #فیروز_جوانشیر

خروج از مدینه
.
✍️ # ✍️
.
🆔: @sarmashg_channel
.
# … ۷ سبک


.
مرحوم # (خادم)
.
.
حسینون سینه سینده داغ حسرت یا رسول الله
گلوبدور ائتماقا تحصیل رخصت یا رسول الله
.
.
ولیده گوندروب فرمان یزید شوم بد فطرت
آلا مندن او ظالم هرنه نحویله اولور بیعت
عیاندور مسئله واردور بو بیعتده منه ذلت
ائدم حاشا قبول ننگ ذلت رسول الله
.
.
اوزون آگاه سن بو ظالمین سوء مرامیندن
مرامنده تأسی ائیلور اجداد لئامیندن
چیخاردوب آشکارا دین اموراتین نظامیندن
دلنده یوخ خدادن خوف و وحشت یا رسول الله
.
.
اونون واردور دل پر کینه سینده کین دیرینه
او کین اوسته همیشه سعی ائدور صدمه وورا دینه
چتین بیرده سیلینسون دولسا گر کینیله بیر سینه
اندر کین اوسته اسلامه عداوت یا رسول الله
.
.
نقدری منده وار عشق و علاقه دینه – ایمانه
او ظالمده عداوت وار او قدر اسلامه قرانه
عقیدمدور مرامیم اوسته لازمدور باتام قانه
که بی دین ائتمه سین خلقه حکومت یا رسول الله
.
.
او دور که واجب ائتدیم نفسیمه ای جان جاویدان
ائدم دفع ستم اسلامدن دینه وئرم سامان
نه باک اولسامدا بو یولدا اگر اوز قانیمه غلطان
گرگ دینه بو گون اولسون حمایت یا رسول الله
.
.
اودور که محضروندن کسب رخصت انتماقا گلدیم
مطهر تربتوندن بیرده کامه یتماقا گلدیم
خداحافظ ائدم سیزدن حجازه گتماقا گلدیم
حسینه یوخ داخی امکان رجعت یا رسول الله
.
.
اگر گتماقه اذن اولسا حسینه یا رسول الله
مسلمدور باجیم زینب اولار قهرأ منه همراه
سنیق محمللر اوستنده اسارتده او علیا جاه
ائدر هر یرده تبلیغ رسالت یا رسول الله
.
.
ائدردی جدّینه بیر بیر یزید افعالینی انشا
او حالتده حسینی درک ائدوبدور حالت رؤیا
گوروب رؤیاده جدین گلدی نطقه عرض اندوب بابا
منه اوز ساغلیقون تک قیل عنایت یا رسول الله
.
.
حسینه ائتدی ابراز تفقد حضرت طاها
بویوردی گئت اوغول ائت کربلاده عهدیوه ایفا
جوابنده بئله عرض انیلیوبدور زاده زهرا
بو امره ائیلرم دلدن اطاعت یارسول الله
.
.
بو دربار فلک جاهه گلوب خادم ارادتدن
گدا معذور دور سلطانی گورسه عرض حاجتدن
اونی محروم ائتمه هم زیارت هم شفاعتدن
اولور حقینده اولسون بو عنایت یا رسول الله
.
.
#
#
.
✍️ #زبدهالاشعار ✍️
.
🆔: @sarmashg_channel

  او گونکه دار دنیادن بابام خیرالورا گئتدی #فاطمیه

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *