خانه / اشعار و مدایح / بوقدری آغلاما گلمه بئله فغانه باجی #خروج_مدینه #عاصی_تبریزی

بوقدری آغلاما گلمه بئله فغانه باجی #خروج_مدینه #عاصی_تبریزی

بوقدری آغلاما گلمه بئله فغانه باجی #خروج_مدینه #عاصی_تبریزی

خروج از مدینه
سوال و جواب فاطمه صغرا(س)با علی اکبر(ع)
.
.
✔️ سوال و زبانحال حضرت فاطمه صغری (ع) در هشتک زیر
#
.
.
✔️ جواب حضرت علی اکبر (ع) در هشتک زیر
#
.
✍️ # ✍️
.
🆔: @sarmashg_channel
.
مرحوم #
.
بوقدری آغلاما گلمه بئله فغانه باجی
سیزیلداما منه باخدو قجا یانه یانه باجی
.
سنه باخاندا منیم اود دوتور یانور اوره گیم
سالور شراره آهون شرر بو جانه باجی
.
اماندی آغلیوب آغلاتما قارداشون بوقدر
ختامه وئرگیلن اشگ تر روانه باجی
.
گُل عارضون گورورم شدت مرض سارادوب
دؤنوبدی رنگ رخون رنگ زعفرانه باجی
.
همیشه دور فلک یاری یاره حسرت ائدر
هر ایکسین گتورر آه و الأمانه باجی
.
بوبیر سفردی مقدردی جانب حقدن
گرک گئدم چکه تقدیر هر مکانه باجی
.
سنی آپارماماقین نچه علتی واردور
اولوب همان او علل قالماقا بهانه باجی
.
بیری بودور بر سفرده بویوک مشقت وار
سفر صلاح دگول شخص ناتوانه باجی
.
اولور اولا بوسفرده بیز اهلبیته حرج
من ایستمم گتورم بیر به بیر بیانه باجی
.
مریضه عُسر و حرج یوخ خدا دوتوب معذور
بو عذر بسدی سنه غم کش زمانه باجی
.
سنون بسوندی بو رنج مرض غم هجران
یوخوندی تاب داخی اوزگه امتحانه باجی
.
بیریسیده بودی که خاندان زهرادن
گرک بو اولمیا هئچ قالمیا نشانه باجی
.
اولور که بیر نفر اولسون سئوال ائده سندن
دی بیر گوراخ نه گلوبدور بو دودمانه باجی
.
جواب وئر که بو ائو اهلینین جفای فلک
بهار عمرلرین دوندروب خزانه باجی
.
که یعنی ترک وطن ائتدی گئتدیلر سفره
دوباره گلموری گلماقلاری گمانه باجی
.
اگر فالام سنی من منتظر فریام هیهات
یقین که نامه یازوب ائیلرم روانه باجی
.
او نامه ده یازارام باجی شرح حالیمزی
نه نوعیدور بیزه پیش آمد زمانه باجی
.
سنی آپارماقا با اینکه من اوزوم گلم
بو عهدی باغلورام ایندی همان او آنه باجی
.
اگر نه نامه سنه گلدی نه اوزوم گلدیم
گل اوندا صبح و مسا ناله و فغانه باجی
.
طوی حجله گاهمه فرش ائتگیلن بساط عزا
وئر اذن اشگ تر چشم خونفشانه باجی
.
یان آغلا ذکر ائله ناکام قارداشیم ایوای
همیشه ساخلا عزا اکبر جوانه باجی
.
کس انتظاریوی مندن گوزون یولا تیکمه
او زلفه ائتگله حسرت الیوی شانه باجی
.
الیوى قوى بئلیوه آلسالار خبر سرّین
دی دوندروبدی فلک قدّیمی کمانه باجی
.
بیر اکبر آدلو جوان قارداشیم ئولوب ناکام
اورک اونون اثریندن دونوبدی قانه باجی
.
نوید مغفرتی عاصیه اوزوم وئرّم
ائدنده جاننی تسلیم جانستانه باجی
.
.
#
.
✍️ #زبدهالاشعار ✍️
.
🆔: @sarmashg_channel

  ای خوش آن قلبی که بهرعشق یکتا بشکند

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *