خانه / اشعار و مدایح / لطف ائت باشیم اوسته گل بیر اگلش اولما بئله اشکبار عم اوغلی

لطف ائت باشیم اوسته گل بیر اگلش اولما بئله اشکبار عم اوغلی

لطف ائت باشیم اوسته گل بیر اگلش اولما بئله اشکبار عم اوغلی

زبانحال حضرت زهرا(س)
.
✍️ # ✍️
.
🆔: @sarmashg_channel
.
#

.
حاج علی اصغر فریدی
.
لطف ائت باشیم اوسته گل بیر اگلش
اولما بئله اشکبار عم اوغلی
گول صورتیوی گوروم دویونجا
قویما منی انتظار عم اوغلی
.
.
رحلت ائلدی او گونکی جدّیم
سالدی باشیمی عدو بلایه
ئوز حقّیمی ثانی الدن آلدی
صبرائتدیم عم اوغلی هرجفایه
دلدن شرر فغان و آهیم
اوج ایلدی عرشِ کبریایه
اشرار زمن بو آز زماندا
چوخ وئردی منه فشارعم اوغلی
.
.
عالیمدی خدا نه حاله قالدیم
درگاهیمی ثانی یاندوراندا
سقط اولدی بالام کسیلدی چارم
نالم بوجهانی دولدوراندا
چوخ صدمه وجودیمه یتوشدی
قنفذ منی کوچه ده وُروندا
ثانی ستمین سنه بو وقته
من ایلدیم آشکار عم اوغلی
.
.
سالدی منی درد وغم ایاقدان
عمروم گونونون یتوب زوالی
اگلش باشیم اوسته باشلا قرآن
من بیرده گوروم او گول جمالی
بیربیر سنه شرح ایدیم عم اوغلی
قلبیمده اولان غم و ملالی
چون پیک اجل یاخیندی گلسین
سیزدن اولارام کنار عم اوغلی
.
.
هجریمده دایان چوخ ائتمه ناله
آزجاری عذاره اشک آل ائت
چوخ غصّه لیم بو غملی دلدن
دفع مِحن و غم وملال ائت
آخرنفسیمده گل عم اوغلی
اوزحقّوی سن منه حلال ائت
شاد ایله بو غم کش جهانی
ای صاحب ذالفقار عم اوغلی
.
.
روحوم کسیری علاقه تندن
ترک ایلوری عالم فنانی
اؤلسم سن ائوزون منی عم اوغلی
غسل و کفن ائت گجه زمانی
راضی دگولم یغوشسا قویما
دفنیمده گروه اشقیانی
ایتگین ائله قبریمی بو قومون
ظلمون ائله انتشار عم اوغلی
.
.
بیرده بولوسن که قورخارام چوخ
من قبریدن ای شه ولایت
زهرانی او دم که قبره قویدون
بیرقدری دایان تئزائتمه رجعت
قوی اُنس تاپوم مزاریله بیر
وحشتلیدی چون او دارظلمت
گرچه او مزاریم اوسته دورماق
ایلرسنی اشکبار عم اوغلی
.
.
من دویماموشام بالالاریمدان
بو غصّه منی ائدوب پریشان
سن چوخ اولارا نوازش ایله
قویما اولالار غمیمده گریان
من تک بو بلالی زینبینده
گولمز یوزی بو جهاندا بیرآن
غم چکمه که اوز یریمده قویدوم
بو زینبی یادگار عم اوغلی
.
.
بیرده حسنیله بو حسینه
مندن صورا چوخ ائله محبّت
چون قلب لری سنیخدی دیندیر
سن خوش دیلیله هم ایله حرمت
من آغلارام آغالاسا حسینیم
شاد اوللام اگر او اولسا راحت
راضی دگیلم بو نورعینیم
بیردَم اولا دلفکارعم اوغلی
.
.
من چوخ سئیورم او مه لقانی
آرام دلیمدی بو حسنیم
آغلارقویاجاق منی اگرچه
حشره کیمی تا بو نورعینیم
ظلمیله کسیلسه باشی عطشان
دلدن چیخارعرشه شوروشینیم
باشسیز بدنی قالار کفن سیز
ایلر منی داغدار عم اوغلی
.
.
صحرای بلاده ظلم الیله
قان ایچره دوشر ملول و خسته
دشمن لری الده نیزه اوخ داش
اطرافین آلار دسته به دسته
بیر جام گتور سو ممکن اولسا
گل سنده او وقت باشی اوسته
قویما قالا بیر ائله زماندا
یولدا گوزی انتظار عم اوغلی
.
.
یاز نوحه (فریدی) ائله ناله
هرقدری الینده واردی فرصت
بو خدمتیوه جزا گونونده
لیلر سنه فاطمه شفاعت
ذکر ائت بو سوزی دوباره آغلا
بو نوحه ده واردی چوخ حلاوت
لطف ائت باشیم اوسته گل بیر اگلش
اولما بئله اشکبار عم اوغلی
.
.
#
#
#
#
.
✍️ #زبدهالاشعار ✍️
.
🆔: @sarmashg_channel

  ای رقیه ای اولان درد و بلاسی جانکاه

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *