خانه / اشعار و مدایح / اعدا توکولدی بیربیره دنیانی ویردیلار

اعدا توکولدی بیربیره دنیانی ویردیلار

اعدا توکولدی بیربیره دنیانی ویردیلار

در مصیبت حضرت زهرا (س)
.
✍️ زبده الاشعار ✍️
.
🆔: @sarmashg_channel
.
مرحوم معزی اردبیلی
.
اعدا توکولدی بیربیره دنیانی ویردیلار
دارالامامه آتش سوزانی ویردیلار
.
دشمن لگد ویروب قاپیا باخ جسارته
لعنت او قومه مفخر نسوانی ویردیلار
.
امّ الکتاب سوره سینه حرمت اولمادی
دیوار و درده سورهٔ قرآنی ویردیلار
.
مسمار باتدی سینه سینه آستانه ده
مثل اینکه داغلی سینیه پیکانی ویردیلار
.
پهلولری سینوب ستم وظلم خصمیدن
زنگ عزایِ جنت الاعلانی ویردیلار
.
ضربتده سیندی گوهر اعلای فاطمه
بطنینده گور نه نوعیله قربانی ویردیلار
.
اللّه نجیبی نانجیبه ائتمسین دچار
ارذل صفتلر حامله انسانی ویردیلار
.
ناموس کبریا دوشنوب تپراق اوستونه
آئینهٔ دیانت و تقوانی ویردیلار
.
اَمَّن یُجیبی زینب اوخور صحن خانه ده
شخصاً گوروبدی زینت رضوانی ویردیلار
.
کوثر هرایه سسلمدی هَل اَتی سینی
گَل فضّه دادیمه دئدی زهرانی ویردیلار
.
عذر ایستورم جسارتیمه یابن العسکری
بیر دفعه ده شفیعهٔ عقبانی ویردیلار
.
گوردی علینی خصم آپارور بیعت آلماقا
فکر ائتدی بلکه بو شه مردانی ویردیلار
.
دامانینه ال آتدی دئدی قویمارام گئده
فوراً همای نعمت عظمانی ویردیلار
.
زهرانی قمچیه دولادی قنفذ دغا
پَر سیندی آشیانه ده عنقانی وردیلار
.
بازوی فاطمه اثر قمچی دن سینوب
گویا جناندا شاخهٔ طوبانی ویردیلار
.
سسلندی بیردن آی بابا گَل آز قالور ئولم
تاپشیردیقون عزیزهٔ بطحانی وردیلار
.
باش قوزا قبریدن دولانوم بیرده باشووه
ناحق منی قاپومدا بابام جانی ویردیلار
.
آئینه تک ویریلدی داش، اولدوم سینق سینق
هاردا ئورکده یاره مه درمانی ویردیلار
.
سینم قانی ترابه یازوب یا علی مدد
ئوز درگهینده همسر مولانی ویردیلار
.
اوّل شهیدیدی ائویمون سقط اولان بالام
سیرینده بو هلال غم افزانی ویردیلار
.
گَل باخ منیم قیامتیمه ایهاالرّسول
ناموس افتخار سلیمانی ویردیلار
.
مسجده فاطمه دانیشوبدور جماعته
حقدور کلامی لوحیه امضانی ویردیلار
.
.
زهرانی گتدی منزلینه ئوز کنیزلری
اطرافینه دوزولدی پریشان عزیزلری
.
.
سسلندی یا علی ئولورم قالدی دورت بالام
آل گوگلین هانسی ائتسه فراقیمده آه وزار
.
ختم رُسل دئیَن گونومی بیلمیشم بو گون
مندن بو قانلی کوینگیمی ساخلا یادگار
.
ئوپسون هاچان حسن یوزینی ئوپ دوداقلارین
آگاهسن همان عَمَلین آیری سرّی وار
.
جدّی کیمی ئوپنده حسینون بوغازین ئوپ
سال یاده یا علی منیده حلقین ئوپ دوبار
.
زینب گلین گئدنده یرون بوش دئنن منه
معناده قوی همان گون ایده روحیم افتخار
.
.
یا فاطمه «معزی» آدیم نوکرم سنه
وئر سهمیمی، وئروبدی کرم ذوالکرم سنه
.
.
#
#
#
#
.
✍️ #✍️
.
🆔: @sarmashg_channel

  امشب ای جان مرتضی از این کاشانه مرو

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *