خانه / اشعار و مدایح / شهید اولوبدی حاجی قاسم سلیمانی

شهید اولوبدی حاجی قاسم سلیمانی

شهید اولوبدی حاجی قاسم سلیمانی

در سوگ سردار دلها شهید حاج قاسم سلیمانی
و مقارن شدن شهادت آن با ایام فاطمیه و شهادت بانوی دو عالم حضرت صدیقه ی طاهره سلام الله علیها
.
✍️ زبده الاشعار ✍️
.
🆔: @sarmashg_channel
.
حاج # تبریزی
.
شهید اولوبدی حاجی قاسم سلیمانی
جریحه دار ایدوب قلب اهل ایمانی
.
نظیری آز تاپولار خلق آرا بو سردارین
اودور که شهرتی بیله دوتوب بو دنیانی
.
بو داعشین ایاقین کسدی کل منطقه دن
اوزونی بیرده تاپانماز او دشمن جانی
.
مدافع حرم زینب و رقیه ایدی
ایدوبدی خوار و زبون دشمنان قرآنی
.
تمام عمرینی وقف ایتدی دین و اسلامه
ایدوبدی گوندوزی ظلامه لیل ظلمانی
.
سپاه دینه عبث اولمیوبدی فرمانده
همیشه جایگهی اولدی جنگ میدانی
.
آلوبدی رهبر الیندن سپهبدی درجه
یتوب مرامینه تاپدی بو فیض عظمانی
.
حمایت ایتدی عراق و یمن، فلسطیندن
اونون سیاستی پیروز ایتدی لبنانی
.
عراقیده تروریستی بو ایلدی نابود
ایدوبدی یوغیدن آزاد پیر و برنانی
.
بو آرزونی ایدردی شهادته یتیشه
خدایه یوز دوتوب ایلردی بو تقاضانی
.
کناره چخمادی بیر لحظه امر رهبردن
همیشه خامنه ای اولدی دلده عنوانی
.
بلی عزیز اولی هرکیم ولایت اهلی اولا
خدا یقین بگنر بیله اهل تقوانی
.
بیزی پوزان بودی نامرد الینده اولدی شهید
نولور که محو ایده الله بزرگ شیطانی
.
قیلوب نمازین اونون رهبر معظم اوزی
آخاردی ناظریدوز گوزدن اشک طوفانی
.
به جز امام بو تشییعی اولمیوبدی گورن
سالوبدی حیرته تشییعی هر بیر انسانی
.
بو قانی بیر گون آلار حق قان توکنلردن
محالدور قالا یرده بو سرسپه قانی
.
قاتوب عزاسینی زهرا عزاسینه طوبی
ووروبدی سینیه قاندان مدال مولانی
.
بو سوز بو یرده الیمدن قراریمی آلدی
نجه دیوم سیزه بو قصه ی غم افزانی
.
هامی باخوردی سلیمانینون قولون گوردی
شکسته گوردوم اولوبدور او دست زیبانی
.
گیدوبدی صبریم الیمدن قولی دوشوب گوردوم
باخانمادیم اودی یومدوم اوزوم بو چشمانی
.
یوخومدی مدرکیم الده، بیله گلور نظره
وصیتیدی منام ایتدی شهر کرمانی
.
قاپی یاناندا بتولون دا سیندیریبلا قولون
قولونی قوزاماقا اولمیوبدی امکانی
.
نمازه حاضر اولاندا دوتوب بیر اللی قنوت
باخوب او حاله پوزولدی علی عمرانی
.
سوروشدی مطلبی مولا، خطاب ایدوب زهرا
شکست ایدوب دیدی قنفذ بو دست یمنانی
.
علی پوزولدی، دیدی انتقام آلاردیم من
پیمبر ایلمه سیدی منه وصایانی
.
منی حلال ایله زهرا پیمبره خاطر
منیم ایویمده دویولدون سن ای وفا کانی
.
بو یرده یادیمه دوشدی بو مطلب دلسوز
سالون خیالوزه تشییع دخت طاهانی
.
اونودا یتدی نفر ایلیوبدوله تشییع
علی قویوب اوز الیله مزاره زهرانی
.
او فاطمه که علی اوندان آیریلانمازدی
نه نوعی توپراقا قویدی او در یکتانی
.
علی بویوردی گلنلر هامی قییت سینلر
فراق فاطمه آغلاتدی شاه مردانی
.
بویوردی فاطمه پیغمبره سلام ایله
دینه بابا منی اینجیتدی اول و ثانی
.
یارالی سینه وی گیزلت اونا نشان ویرمه
قبول ایله علیدن بو بیر تمنانی
.
امینی غصه لی حالیله باشلادون بو سوزی
همان بو سوزلره اولدی جواهری بانی
.
شب شهادت زهرادی، آغلوری حسنین
اولا بو عالم او ایتگین مزار قربانی
.

  زهرانی غم گتیروب، فریاد و داده بوگون

#
#
#
#
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *