خانه / اشعار و مدایح / طبع ناپخته آلوب حکمینی جانانینَّن – #حسینیه –

طبع ناپخته آلوب حکمینی جانانینَّن – #حسینیه –

طبع ناپخته آلوب حکمینی جانانینَّن – #حسینیه –

منطقی برای نوشتن شعر نوحه
توسل به حضرت اباعبدالله الحسین علیه السلام

✍️ زبده الاشعار ✍️

?: @sarmashg_channel

حاج علیرضا امانی مجد اردبیلی

طبع ناپخته آلوب حکمینی جانانینَّن
شعره سرمایه قویا جوهره ی جانینَّن

قلمیم ثبت ایلمز هر سوزی بو دفترده
روح آزاده گرک چخمیا پیمانینَّن

نظم بحرینده اگر غرق اولا آزاده قلم
تهِ دریاده آلار بهره نی مرجانینَّن

اقتباس ایلَمَگون شاعره تشبیهی بودور
لب دریاده اِئدور واهمه طوفانینَّن

ای قلم سعی ائله آز یاز ولی دوز یاز شعری
طبعی وادار اِئلَه بیزار اولا هذیانینَّن

وار حسینین آدی اوستونده سنون یکرنگ اول
پاک عزاداری آیر حضرتین عدوانینَّن

شوره گل منله گیدک کربو بلا عالمینه
کعبه دن باشدی دیولُّر اورا رجحانینَّن

اِئلَه صدقیله حسین محضرینه عرض ادب
آلاسان اذن غلامی لب عطشانینَّن

دئنن ای فاطمه نون الده ئولن اوغلی حسین
فانی اولسون بو بقا قصّه سی ارکانینَّن

ئوزمروک اَل اَتَگونَّن بیزی قوسوندا آقا
نوکر ئوزمز اَلینی چون آقا دامانینَّن

نقدر عمروم اولا نوحه دیوب آغلیارام
هر کس ئوز ایسته دیگین نظم ائدَر امکانینَّن

چوخدی ئوز دلبرینین زلفینی تعریف ائلییَن
طبعیمه من دییَرَم پر آچا زندانینَّن

او دئسه باغی گولی غنچه لری چشمه لری
من دیوم قتلگهون چشمه کیمی قانینَّن

او دئسه میکده نون باده سینی ساغرینی
من دیوم اصغریوون حنجر عطشانینَّن

او دئسه حجله لرین زینتینی زیورینی
من دیوم قاسموون حجله ی سوزانینَّن

او دئسه طرّه ی دلداریله مشاطه لری
من دیوم قیزلاریوون گیسوی عریانینَّن

او دئسه کورپه قزیلان آتانون عالمینی
من دیوم دویدی رقیّون نجه ئوز جانینّن

او دئسه دلبرینون گوزده کی اوخ کیپریگینی
من دیوم قارداشیوون گوزدکی پیکانینَّن

  مسیح کوفه ده گلدی حسینی دید ائلدی

او دئسه پنجه ی دشمن شکنین قدرتینی
من دیوم تُپراقا الّردن آخان قانینَّن

او دئسه قصرلرین هیبتینی شوکتینی
من دیوم عترتیوون مسجد ویرانینَّن

#پندیات #شاعر #شعر
#حسینیه_مدح
#طبع_ناپخته_آلوب_حکمینی_جانانینن
#امانی_اردبیلی
#ترکی

✍️ #زبدهالاشعار ✍️

?: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *