خانه / اشعار و مدایح / رحلت ایلیوب دار فانیدن بنت خاتم الانبیا بوگون

رحلت ایلیوب دار فانیدن بنت خاتم الانبیا بوگون

رحلت ایلیوب دار فانیدن بنت خاتم الانبیا بوگون

روز شهادت حضرت زهرا (س)
.
✍️ #زبدهالاشعار ✍️
.
🆔: @sarmashg_channel
.
مرحوم سید احمد یاسر نجفی (ثریا تبریزی)
.
رحلت ایلیوب دار فانیدن
بنت خاتم الانبیا بوگون
باشینه وورار زینب حزین
گوز یاشی توکرمجتبا بوگون
.
«آغلوری شه کربلا بوگون»
.
.
شیعه لر بو گون آغلیون هامی
دخترِ شه انبیایه سیز
گوز یاشی توکوب تسلیت ویرون
صاحب عزا لافتایه سیز
بیرده میوۀ قلب مصطفی
زهریله ئولن مجتبایه سیز
قان اولوب گوزینده سرشک تر
آغلوری شه کربلا بوگون
.
.
سسلدی اودم گل عم اوغلی جان
ایلیوم سنه بیر وصیتی
جان سنون اولا جان حسینیمین
بیرده کسمه مندن سن اُلفتی
مجتبا حسن اوغلوما اوزون
قیل عم اوغلی هرآن محبتی
عترتیم هامی باشیم اوسته دور
آغلوری منه اولیا بوگون
.
.
دوقوزایل سنه همدم اولموشام
گورمدیم اذّیت بیر آنیده
زلفلریم آغاردی عم اوغلی جان
محنت رسول گرامیده
چوخدی حسرتیم قلبیده منیم
آیریلوق یتوب بو زمانیده
یاری یاریدن ایلدی جدا
درک ایدور اجل برملا بو گون
.
.
غسلیمی منیم ویرعم اوغلی جان
دفن قیل گیجه ثانی بُلمسون
جسمیمه دگن تازیانه لر
آشکاراولوب کیمسه گورمسون
گیزلین ایله سن قبریمی منیم
قبریم اوستونه تا که گلمسون
روحیمی معذّب ایدر منیم
گلسه لر اگراشقیا بو گون
.
.
راضی اولمارام ای عم اوغلی جان
ثانی قبریمین اوستینه گله
یاندوران زمان باب رحمتی
سالدی گوگلره شور و ولوله
وار نشانه سی تازیانه نین
جسمیده بو گون گیتمیوب هله
وامصیبتا سویلدی یقین
روح اشرف انبیا بوگون
.
.
زینبا قیزیم آغلاما منه
ساخلا گوزیاشین کربلایه سن
شمردون حسین باشینی کسر
صبر قیل او دم هربلایه سن
باشینی وورار نیزیه سنان
گوش قیل کلام خدایه سن
نیزه ده اوخورکهف آیه سین
میوۀ دل مصطفا بوگون
.
.
جدّیمین او قبر مطهّرین
قسمت ائت خدا منده تا گلم
ایلیم زیارت او مرقدی
آغلیام او دم نالیه گلم
دلده بو«ثریایه» ورددور
گوزده گوزیاشی با غم و الم
سویلرم نولور قبر پاکیوه
جمع اولا بو اهل عزا بوگون
.
.
.
.
#سبک_ساخلا_ناقه_می_کاروانیدن (بیش از ۸ سبک زنجیر و سینه زنی)
.
.
#فاطمیه_شهادت
#رحلت_ایلیوب_دار_فانیدن
#ثریا_تبریزی
#ترکی
.
✍️ #زبدهالاشعار ✍️
.
🆔: @sarmashg_channel

  گیدردی کرب و بلا شاهی کربلایه طرف

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *