خانه / اشعار و مدایح / یتیر بو تهنیت لری امام صادقه صبا

یتیر بو تهنیت لری امام صادقه صبا

یتیر بو تهنیت لری امام صادقه صبا

مدح ومیلاد حضرت صادق علیه السلام
.
✍️ زبده الاشعار ✍️
.
🆔: @sarmashg_channel
.
مرحوم محمد شیخ زادگان ( مبکی تبریزی)
.
یتیر بو تهنیت لری امام صادقه صبا
چرخ امامتدن چخوب بدرالدجا شمس الضحی
.
.
خوش واقعه وقوع ایدوب دلشاد اولوب مقربون
حیران قالوبدی شأنینه والسّابقون السّابوقون
پا بوسیندن تاپوب شرف فوج ملائک لاحقون
فرشی ایدوب رشک جنان تجلیّات کبریا
.
.
طالع اولوب بو مهریدن انوار حی لم یزل
دنیانی روشن ایلیوب گون چخمامیش صبح ازل
صدق و صفانین معدنی اوزی گوزل سوزی گوزل
منجی دین احمدی بو ششمین رهنما
.
.
زهرا ایوی آباد اولا باشلاردا عشق و شوری وار
آثاری وار دنیا بویی ماه درخشان نوری وار
مولوده باخ قرآن اوخور ترویج دین منظوری وار
جانبخش صوتیله ایدیر معبودینه حمد و ثنا
.
.
قشر نهال مذهبی تبدیل ایدر معناسینه
گلزار دین قویماز سولا باعث اولار ابقاسینه
علّامه لر تعلیم ایدر شرع نبی اجراسینه
بحردین اولسون انعشاب جاندان گچراول مقتدا
.
.
دریا اولوب هرعلمیدن بیرقطره سی موجه گلر
علم وفنون غیرلر مثل حُباب سودا گزر
فیض حضورون درک ایدن آنلار بودورکیفَ بشر
قدرت نمالیق ایلیوب الحق خدای لا یرا
.
.
دنیاده چوخ گللرآچوب بیله طراوت اولمیوب
بلبلری مدهوش ایدوب عطرولطافت اولمیوب
تسبیح و تقدیس خدا بیله تلاوت اولمیوب
شوره گلوب هرکیم گوروب نورون سالوب بومه لقا
.
.
دین درسنی اورگشمیین دنیاسینه دینین ساتار
سلطه گرانه باش اَیَرکفراهلی مقصوده چاتار
بیع و شراده غِش ایدرحق فکرینی باشدان آتار
به به بو آگه رهبری لطفیله حق ایلوب عطا
.
.
ساکت اوتورماز بی هدف امت دونوب گمراه اولا
ثارالهی احیا ایدر اهل حقی آگاه اولا
جهلین محیطین سعی ایدر هر یرده دانشگاه اولا
تکرار ایدرلا شرقی ولاغربنی صبح و مسا
.
.
بو نور که مسرور ایدوب جدی رسول خاتمی
نه سری وار مسموم اولوب آرتوب یانان دلده غمی
زهرا اوغول وای سسلیوب یاندیردی قلب عالمی
(مبکینون) ایلرحاجتین پوزقون مزار وندان روا
.
.
.
#
#
#
#
.
✍️ # ✍️
.
🆔: @sarmashg_channel

  ای روح تقوا دلبند زهرا

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *