خانه / اشعار و مدایح / انسانه ای دل ئورگدن مادر ای مادر

انسانه ای دل ئورگدن مادر ای مادر

انسانه ای دل ئورگدن مادر ای مادر

بپاس
به حضرت زهرا (س)
.
✍️ زبده الاشعار ✍️
.
🆔: @sarmashg_channel
.
رضوی زنجانی
.
انسانه ای دل ئورگدن مادر ای مادر
مشگ و ختن سرو چمن مادر ای مادر
مهربان – با وفا
لایلای ای باصفا
.
.
لایلای سسینده مادرین وار بیر آیری راز
لایلای دیَن وقته آنا روح ائدر پرواز
انسانی مادردی ائدن یعنی سرفراز
انسانه جان قربان ائن مادر ای مادر
.
.
باجادی باشینه دوناق مثل پروانه
طعنه ویرار عطر آنا برگ ریحانه
یول چون ایاق آلتیندا وار باغ رضوانه
ای مشگ آهوی ختن مادر ای مادر
.
.
قویماز گُله یاخون دوشه خاریلن خسلر
ئوز سینه سینده غنچه سین گول کیمی بسلر
گر آغلاسا لایلای دیر جان بالا سسلر
ای شیرۀ جاندان گئچن مادر ای مادر
.
.
گرد و غبار غنچه نی یوزده پاک ایلر
رنگی سارالسا سینه سین فوری چاک ایلر
غم سخسا طفلین نالۀ دردناک ایلر
نوزادینون دردین بیلن مادر ای مادر
.
.
ئوز طفلینون بوسه ویرار مه جمالیندان
باشینه دونسون آز قالا خوش مقالیندان
اولادینون جویادی هر لحظه حالیندان
انسانه استاد سخن مادر ای مادر
.
.
#گریز #
.
.
یاز ای قلم بیر مادر بی نظیر آدون
ذکر ائت آدون تا آرتیرا آغزیوون دادون
دفن ائتدیلر درگاهینه طفل نوزادون
ای محسنی الدن گئدن مادر ای مادر
.
.
اول مادره قربان اولوم یوخ اونا همتا
الحق نظیرون ایندیده گورمیوب دنیا
مولا حسینه صود وئروب سسلنوب لالا
ای زینبون نازین چکن مادر ای مادر
.
.
افسوس او مادر دهریده چوخ جوان ئولدی
ریزیدی اوغلان قیزلاری ناگران ئولدی
زینب دئدی الله ننم باغریقان ئولدی
سینه یارالی جان وئرن مادر ای مادر
.
.
طاها ئوپن سینه نشان اولدی مسماره
قبره گئجه گیزلین گئدوب سینه ده یاره
سندن صورا بو زینبون قالدی آواره
آغلار حسینیله حسن مادر ای مادر
.
.
محسنله باغ جنتی گئت دولان مادر
گلزار عمری تئز آچوب تئز سولان مادر
گیزلین گئجیله توپراقا دفن اولان مادر
زینبله یولداشدی محن مادر ای مادر
.
.
طاها غمینده دهریده قدّی خم لایلای
قامت خمیده غصه چوخ عمری کم لایلای
گل سینه سین آماج ائدن تیر غم لایلای
جدّیم رسوله جان و تن مادر ای مادر
.
.
ای «رضوی» گُلدی آنا باغ و گلشنده
آقّ اولسا هر کیمسه گلر حشره شرمنده
یوخ بیر جوابی اول گونی چون خداونده
ای نقطۀ پرگار من مادر ای مادر
.
.
#

  دور حسین گور نه زار و خسته

.
# #مادر
#
#
#
.
✍️ # ✍️
.
🆔: @sarmashg_channel

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح زبده الاشعار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *