خانه / اشعار و مدایح / سلام اولا او امامه بتوله چون جاندی

سلام اولا او امامه بتوله چون جاندی

حالات حضرت حسن مجتبی علیه السلام
# به حضرت ابوالفضل العباس علیه السلام
.

.

.
مرحوم معزی اردبیلی
.
سلام اولا او امامه بتوله چون جاندی
سلام اولا او امامه جگرلری یاندی
.
سلام اولا او امامه حسن قویولدی آدی
پیمبره نوه محبوب حی سبحاندی
.
سلام اولا او امامه بوکولدی آغ کفنه
گوزل جنازه سی تابوت ایچینده اوخلاندی
.
منیم عقیده مه اولماز حسن کیمی مظلوم
مگر بیلن واریدی برترین بیر انساندی
.
یغیلدی جاه طلبلر معاویه باشینا
گوروب قیزیل گوموشی تئز جماعت آللاندی
.
وفاسیز امت امام زمانی تک قویدی
چکن بیر عده نی سمت طلایه شیطاندی
.
وئروب معاویه پیمان صلحون امضاسین
شروط صلحی صورا شهر شامیده داندی
.
دوشوب بو فکره نجه مجتبی نی ئولدورسون
دیار یثربه حاصل پیامی یولاندی
.
سبویه زهری توکوب جعده ؛ میل ایدوب حضرت
جگرلری آقامون بسترینده دوغراندی
.
ایکی الین گوتوروب سینه سین اووشدوردی
آناسی فاطمه الآندا دیده گریاندی
.
چاغوردیلار گلوب علیا مکرمه زینب
گوروب امام حسنون حالی چوخ پریشاندی
.
دوداقلاریندا دوروب قان چالور الین ایاقین
نه بیلسون امر جفا امر آل سفیاندی
.
دیدی امامه نه گلدی سنه باجون قربان
دیدی باجی ئورگیم زهریدن الولاندی
.
دیدی کیمیدی سنی نصف شب ایدن مسموم
بویوردی جعده الیلن جگرلریم یاندی
.
دایانما صبریده تعجیل ایله گتور طشتی
آناسی فاطمیه مجتبی سی مهماندی
.
حسینیمه خبر ایله گلوب منی گورسون
نگاهی یاره مه قلبیمده مثل درماندی
.
خبر یتیشدی حسینه اطاقینه گلدی
توکوب سرشکین او قدری محاسن ایسلاندی
.
چالوب ایکی الینی باشینه امام حسین
گوروب سحاب مصیبتده ماه پنهاندی
.
باشین دیز اوسته آلوب اوپدی نیلگون یوزونی
گوزوندن عارضه سیلاب اشکی باغلاندی
.
دونوب کناریده باخدی جمال عباسه
گچن ئورکدن حسینون شروط پیماندی
.
دئیدی بو گون حسنون باغلارام اوزوم گوزونی
شهید راه خدای رحیم و رحماندی
.
اولار ولی گوزونون یاره سی ابوالفضلین
دگن گوزل گوزونه کربلاده پیکاندی
.
همان سببدن او گون باغلیانمارام گوزونی
منیم یانان ئورگیم ایندیدن دولی قاندی
.
آلار فراتی سووا نهریده دلین ورماز
دیر خیامیده جام الده قیزلار عطشاندی
.
سو مشکینه دگر اوخ قوللاری قلم اولونار
وران باشیندان آغیر یاره نامسلماندی
.
دوشنده توپراقا زهرا ننم قوجاقه آلار
سورا سورونمگه ماواسی قانلی میداندی
.
گوزین تیکر یولوما سسلیر منی داده
او گون غمینده بنی هاشم اشک ریزاندی
.
سینار بلیم باشی اوسته الیم قالار بئلده
دئیرم آچ گوزووی کربلاده طوفاندی
.
.
#
#
#
#
.
#
.

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *