ایاقه دور رقیه جان گئداخ بو غملی خانه دن

کوچ از شام
.

.

.
محمدرضا صادقی
.
ایاقه دور رقیه جان
گئداخ بو غملی خانه دن
آنام جانی یورولموشام
قیزیم بو آشیانه دن
.
.
منیم کیمی بو شامیده
بلالی بیر کس اولمادی
کیمی هرایه سسلدیم
منه وئرن سس اولمادی
ابوتراب عیالینه
ندن بلا بس اولمادی
قوجالمیشام آنام کیمی
بو محنت زمانه دن
.
.
بیزه بو شامون اهلینون
داخی وفاسی اولمادی
شمادت ائتدی کیمسه سی
کیمون حیاسی اولمادی
داش آتدیلار خدادن هیچ
کسون هراسی اولمادی
اورک یانور هله قیزیم
بو ظلم بی بهانه دن
.
.
دوشوبدی باشیمه قیزیم
هوای دشت کربلا
گئدوم تدارک ایلیوم
او یرده محفل عزا
فقط اویرده دور منیم
اورکده دردیمه دوا
وئروب خدا براتیمی
بو خلوت شبانه دن
.
.
ایاقه دور سنیله من
وئراخ رقیه قول قولا
سن عمه سسله جان دیوم
قولوی بوینوما دولا
بابا بابا دیه دیه
سنیله من دوشوم یولا
دویونجا آغلیوم قیزیم
سن اوخشیان ترانه دن
.
.
آچوبدی غملی دفتری
بهانه ایلیوب سوزی
گوزونده اشکی «صادقی»
تیکوب قیزیم سنه گوزی
اگرچه چوخ گناهی وار
اولوبدی معترف ئوزی
عنایت ایله حشریده
عطای خالصانه دن
.
.
.
.
سبک ها ( ۷ سبک)
۱- سبک_الهی_دفن_ایدیم_نجه
واگیر برای این سبک :
(باشندا قاره رقیه لای لای
اورکده یاره رقیه لای لای) و …
.
۲- سبک_دل_شب_ایلیوب_سفر (۴ سبک سینه و زنجیر)
.
۳- سبک_تا_مشکتو_تو_آب_زدی
سبک_حسین_دوشوبدی_مقتله
واگیر برای این سبک از ساعد_زنجانی
(بیبون ئولسون ائللروندن اولدون آرالی
مزاره گیتدون ایاق یاره قول یارالی
یوزوندن سیلی ووران اللر شل اولیدی
آنام زهرا تک اولوبسان باشی بلالی
رقیه رقیه رقیه رقیه)
.
۴- سبک_الهی_غملی_کوفه_نون
واگیر برای این سبک از ثاقب_زنجانی :
یوزه اشک غم توکوب آغلارام
بو مُحَنده سینه می داغلارام
.
.
.
.
کوچ_شام
ایاقه_دور_رقیه_جان_گئداخ_بو_غملی_خانه_دن
محمدرضاصادقی
ترکی
.

.