خانه / اشعار و مدایح / بو غربت ئولکه ده قیلدون کفنسیز سن وطن قارداش

بو غربت ئولکه ده قیلدون کفنسیز سن وطن قارداش

کوچ از قتلگاه
.
✍️ زبده الاشعار ✍️

🆔:
.
مرحوم بهار تبریزی
.
بو غربت ئولکه ده قیلدون
کفنسیز سن وطن قارداش
ئولونجه زینبین یانسون
دیسون وای بیکفن قارداش
.
.
همان نسگلدی بیر عمری قان آغلاردی آنام زهرا
همیشه یاد ایدوب قارداش دیردی روز عاشورا
حسینی تشنه لب یالقوز یارالی ئولدورر اعدا
تاپولماز بیر نفر صدپاره نعشین دفن ایدن قارداش
.

آنام تقریر ایدن سوزلر بو گون عیناً اولور منظور
جراحات و جدین هر بیری بیر زخمدور ناسور
سویوب دشمن قویوب گونلر ایوینده نعش پاکین عور
نه اگنینده لباسین وار نه کهنه پیرهن قارداش
.

نه بلسون زینبین بیر گون گلور بیر غملی پیش آمد
باشیندا بیر بولوک قاره لچک ذریۀ احمد
جگر داغلی قولی باغلی تماماً عترت امجد
قالوبلار دشمن ایچره یوخدی بیر داده یتن قارداش
.

باخوب هر عضویوه گورّم حسین پاشیده دور اعضا
گل حمرادی خنداندی بو نوعی بو گوزل سیما
و یا آیات قرآندور اولوب تذهیب سرتاپا
و یا اوراق مصحفدور چیخوب شیرازه دن قارداش
.

سالوبلار تیره خاک اوسته زجاج آیۀ نوری
ایدوب روشن بو نور ای پور عمران وادی طوری
وفالی غم کشیده زینبم بو وتر موتوری
ئولونجه اوخشارام یانام وارام دنیاده من قارداش
.

بدنده نه باشین واردور تانونسون تا باخان بلسون
نه الده بارماقون وار نه الین کول باشیمه اولسون
نه بیر یر ساق قالوب اؤپسون باجین قارداش باجین ئولسون
نه آثار و نشانین وار تانونسون بو بدن قارداش
.

آتام قربان اولا بیر زخمداره قانی خشگ اولماز
آخار آخدوقجا بو قان یاندورار زهرانی خشک اولماز
منیمده سیل اشکیم تک دوتار دنیانی خشک اولماز
کسیلمزحشره دین بو قلبیدن بو سینه دن قارداش
.

نجه که اخگر سوزان خواصّ آب دوتانماز

آتام قربان اولا بیر غائبه گلماق امیدیم یوخ
مسافردور گیدوب اما رجای بازدیدیم یوخ
خبر یوخ بیر اثر یوخ بیرده بیر گورماق امیدیم یوخ
دیم بیر گون گلور شاید سفردن بو گیدن قارداش
.

#سبک_علی_اصغر_مه_انور و … (۸ سبک)
.

#کوچ_کربلا
#بوغربت_ئولکه_ده_قیلدون_کفنسیز_سن_وطن_قارداش
#بهار_تبریزی
#ترکی
.
✍️ #زبدهالاشعار ✍️

🆔:

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *