خانه / اشعار و مدایح / متن نوحه / شجاعت حضرت ابوالفضل عباس (ع) در نهر فرات ۱۰۶۲

شجاعت حضرت ابوالفضل عباس (ع) در نهر فرات ۱۰۶۲

شجاعت حضرت ابوالفضل عباس (ع) در نهر فرات ۱۰۶۲

متن نوحه    —->  شجاعت حضرت ابوالفضل عباس (ع) در نهر فرات ۱۰۶۲

شجاعت حضرت ابوالفضل عباس (علیه السلام) در نهر فرات

سو سرین ایستی هوا قلبینون آرتوق عطشی

نفس عباسیله عشقون اوجالوب کشمکشی

آب سردیله مبارک الینی ائیتدی پر آب

قوریان لبلره نزدیک ایلیوبدور اوجناب

عشقیدن نفسینه گویا یتیشوبدور بو خطاب

عاشقه نقصدی گر نفسون الی قازسا قویی

نفس مغلوب ایله یاندیر یره توک ایچمه سویی

ایچمدی آتدی یره مجری تصمیم اولدی

نفس سلمی واریدی عشقینه تسلیم اولدی

نفسله عشق آراسی رابطه تحکیم اولدی

پیشتاز ائیتدی ئوزون قافله عرفاندا

عبدصالح دیولور علت اودور هر یاندا

گوئیا گلدی بیانه دئدی ای آب روان

موج وور ایله نفدری ایلیورسن جریان

عشقیمی نفسله مغلوب ائده سن ائیتمه گمان

تشنه لردن نه روا نفسنی عباس سچه

آقا لب تشنه قالا خیمه ده نوکر سو ایچه

ایچمرم قطرون اگر اولسا سنون آب حیات

باخمارام گر اتگیمدن یاپوشا نهر فرات

من علی اصغریمه آختارورام راه نجات

سوسوزام یوخدی علاقم ولی بیر ذره سنه

قوریان لبلرین ایسلاتسام اونون بسدی منه

هر بشر دهریده بیر خوش عمله طالب اولار

مشکلاته اوعمل عشقینه تز غالب اولار

سعی ایدر بسکه نتیجه ئوزونه جالب اولار

دورمشام منکه او گوندن بو جهاندا ایاقا

وار علاقم سوسوز انسانلارا سو پایلاماقا

گیدورم خیمه لره ساری امان وئرسه قضا

مشکی سالم یتورم سسلنم ای آل عبا

بالا قزلار سو ایچه مندن اولا بلکه رضا

ایلکه خیمه ده سو ایچدی هامی اهل حرم

تشنه لر دویسا سودان قالسا ئوزومده ایچرم

رسمدور دوشسه اگر مشکله هر اهل ولا

دردین عباسه دیوب اخذ ایلیور فوری دوا

بنده سین صاحب اعجاز ایلیوب ذات خدا

بزم عز و شرفون عزتی عباس آدیدور

“انورون”دفترینون زینتی عباس آدیدور

شاعر : مرحوم انور

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *