خانه / اشعار و مدایح / متن نوحه / زبانحال حضرت زینب کبری (س) در قتلگاه ۱۸۹۱

زبانحال حضرت زینب کبری (س) در قتلگاه ۱۸۹۱

زبانحال حضرت زینب کبری (س) در قتلگاه ۱۸۹۱

متن نوحه    —->  زبانحال حضرت زینب کبری (س) در قتلگاه ۱۸۹۱

زبانحال حضرت زینب کبری (سلام الله) در قتلگاه

زینبون ئولسون حسین بو نعشیوین قربانیم

ره روانم شام شومه، یولارین حیرانیم

چوخ چتندور خولی و شمریله رفتار ایلماق

هر ایکیسی بد خلقدور، چاره ندور بس نیلماق

یولاری گیتماق گرک، هر نوعیلندی دینماق

چون یارالی باشوین هر گونده سرگردانیم

اولموشام مستحفظ آل علی و فاطمه

هر دقیقه ایل گچور غمدن بیله اوقاتیمه

تاپمیوب غارت حسین جان قتلگهده خاتمه

هر نه وار کهنه سویولار قلبیدن سوزانیم

شورش لشگر زبس مقتلده قارداش چوخلاشور

سویماقا معجرلریله بیر بیریله باغلاشور

گور نجه عورت اوشاق شوره گلوبلر آغلاشور

منده بو ظلمون بو یرده متصل گریانیم

ناقه لر کوچ ایتماقا شامه بو گون باغلاندیلار

آتش غمدن حیالی قیزلارون اودلاندیلار

قرخادین بامعجر عورت گور نجه تالاندیلار

دسته خونین برانون، منده بیر تالانیم

اهل بیتون ناله سی اعدایه سالدی ولوله

شوره گلدی قوم کین آز قالدی اولسون غلغله

بیر نچه ظالم او دمده آلدیلار قمچی اله

ووردیلار اول قدر ، دیردی قمچی، ال قربانیم

نعشلر یاددان چخوب، اولدی اسیران دلکباب

گوردولر بیرون خانملار ایچره اولدی انقلاب

بیر خانم سسلر قولوم سیندی، بیری بی صبر و تاب

من حسین بن علینون آهوی مستانیم

بیربیرین قیزلار قوجاخلاردی دیردی نیلیاق؟

گل گیداخ نهر علقمه، عباس عمومه بیر دیاق

سسلیاق سس ویرمسه دشمن ویراندا دینمیاق

منده غم دفترلرین بار بلا گردانیم

هر طرفدن فاطمه ای وای باشیم گه سسلنور

گه دیر که آز ویرون، قمچی یریندن قان گلور

سسلرم فریادیمه سقای مظلومان گلور

ای عمو فریاده یت، من قولارین قربانیم

گه حسین سسلور بیری دنیانی گوزدن آتموشام

بو بابامون قانیدور عمه باشیما یاخمیشام

گه بیری سویلور که عمه خوردا بارماق تاپموشام

گه اوپور سویلور بابا بارماقون قربانیم

!!! لطفا با نام کانال مدح و مرثیه کپی کنید !!!

۲ دیدگاه

  1. سلام
    عذرخواهم
    اشعار فوق از کیست؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *