خانه / اشعار و مدایح / متن نوحه / حضرت امام حسین (ع) ۴۰۲۷

حضرت امام حسین (ع) ۴۰۲۷

حضرت امام حسین (ع) ۴۰۲۷

متن نوحه    —->  حضرت امام حسین (ع) ۴۰۲۷

حضرت امام حسین (علیه السلام)

حسین بیر مرد جاویداندی والله

حسین اوز دینینه قرباندی والله

اگر قرآنه واردور اعتقادون

حسینون سوزللری قرآندی والله

عبادت ایله سه مین ایلده عابد

ملک لرده اولا بو امره شاهد

تشیع ده بودور اصل عقاید

حسین سیز ایش دوزلمز اویما زاهد

قیامتده حسین سلطاندی والله

نقدری واردی قرآنین بقاسی

خلل تاپماز حسینیت اساسی

کیمین اولسا بیر آیری اداعاسی

دیون گلسین اولاق تا رهنماسی

عبادتده حسین عنواندی والله

حسین سیز حشریده عیسی تانینماز

کلیم الله ید بیضا تانینماز

مقابیلده دورا یحیی تانینماز

حسینسیز کل ما فیها تانینماز

تانینما قدا حسین برهاندی والله

حسین مرآت حی ذولمنندی

حسین اولدی عدالت زنده لندی

حسینون جسمینه قرآن کفندی

حسین هر نه دئسه قرآن دیین دی

حسین قرآنه پشتیباندی والله

حسین دور آشنالر آشناسی

یتیشدی محنت کرب و بلاسی

بو آیدان باشلانار بزم عزاسی

حسینیم وای دییر زهرا آناسی

ایشی صبح و مسا افغاندی والله

یازیم الله نجه بو ماجرانی

دوشوبدور مقتله عصرین زمانی

سالیب چولدن چوله خیرالنسانی

گتوردی شیونه اهل کسانی

گوروبلر جسمینی عریاندی والله

قویوب تپراقه آلنین تشنه سلطان

قیزیب قوملار اسور یل گرم سوزان

شاخیر گون یاره سینده خسک اولوب قان

هوا ایستی حسینون جسمی عریان

زمین کربلا طوفاندی والله

یتیشدی مقتله شمر ستمگر

آتیب ال باشینه زهرانی مضطر

ظهوره گلدی گویا یوم محشر

اله عمامه سین آلدی پیمبر

بو حاله انبیا گریاندی والله

شاعر : مرحوم معنوی اردبیلی

منبع : مجمع شعرا و مادحین

  زبانحال حضرت فاطمه زهرا (س) ۱۹۲۸

یک دیدگاه

  1. محمدحسین یوسفی آزاد

    سلام
    شعر بسیار عالی و بسیار معنادار هست،
    خداوند استاد معنوی اردبیلی را غریق رحمت فرماید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *