خانه / اشعار و مدایح / نهر علقمه قویدی چون قدم

نهر علقمه قویدی چون قدم

وارد شدن حضرت ابالفضل العباس علیه السلام به فرات
.
✍️ زبده الاشعار ✍️
.
🆔: @nohe_torki
.
مرحوم یحیوی اردبیلی
.
.
نهر علقمه قویدی چون قدم
کربلا وزیری
تاجدار اباالفضل
.
تشنه لب لره سو آپارماقا
جان و دلدن ائتدی
افتخار اباالفضل
.
تاپدی خضر عطشان
چشمۀ حیاتی
تشنه لر ائشیتدی
نالۀ فراتی
.
.
.

گوردی نهرده موج ائدر سوئی
خود سرانه اولموش
پهن و دشته جاری
.
آتدی اول سودان بیر قدر گویه
دوندی باخدی ناگه
خیمه گاهه ساری
.
یعنی قورخمیون نهری آلمیشام
خیمیه یتورم
مشک آبداری
.
آلدی اوجونا ایچمدی سودان
ایلدی فراتی
شرمسار اباالفضل
.
.
.

خیردا اصغرون تشنه لب لری
یا سکینه حالی
صبرین الدن آلدی
.
حال زارینه اول هنرورین
باطناً فراتون
ناله سی اوجالدی
.
مشکین اندیروب دولدوروب سودان
چیگنینه سو مشکین
همتیله سالدی
.
دوندروب یوزین چخدی نهریدن
اولدی خیمه گاهه
رهسپار اباالفضل
.
.
.

ازدحامیلن ائتدیلر هجوم
صاحب لوانین
اوسته قوم کافر
.
تیغ تیزیلن اول جماعت
بی حیایه ائتدی
حملۀ مکرر
.
الحذر سسی چخدی گویلره
بیر شجاعتیلن
جنگ ایدوب او سرور
.
قدسیان گلوب نالیه دئدی
آفرین بو شصته
نامدار اباالفضل
.
.
.

دوندروب یولون نخلزاریدن
آتش قتاله
ویردیلر ادامه
.
ائتدیلر کمین هر ایکی الین
سالدیلار بدندن
یتدیلر مرامه
.
باخ همیّته باخ فتوّته
سعی ایدوب یتورسون
مشکی تا خیامه
.
قویمادی علم سرنگون اولا
دوتدی سینه سینده
پایدار اباالفضل
.
.
.

گه رکابدن بیر ایاقینی
ایلیوردی خالی
دشمنی یخاردی
.
گاهی ساغ طرف گاهی صول طرف
قان ایکی قولوندان
سو کیمی آخاردی
.
اول وفا شِیَم معدن کرم
حسرتیله مشکه
دمبدم باخاردی
.
سو یتورمگه خیمیه اولوب
تشنه لردن آرتوق
انتظار اباالفضل
.
.
.

فرصت ال ویروب اوخ آتانلارا
دورت مین اوخ قویولدی
چلۀ کمانه
.
یاغدیا وتسونه دورت طرفدن اوخ
شهپر آچدی اوخدان
فارس یگانه
.
مشگنون سویی خونِ دل کیمی
توپراقا توکولدی
رنگی دوندی قانه
.
خیمه سمتینون ترکین ایلدی
گوردی ئوز حیاتین
ناگوار اباالفضل
.
.
.

جهاندا عمریوی بیجا فنایه وئرمه گیلن

یوخ بدنده قول دشمن ال تاپوب
بیر تصور ایله
یوز ویرور نه حالت
.
بو مصیبتون شرح آخرین
قانه دوندی قلبیم
ائتمرم کتابت
.
یازدی «یحیوی» بو کلامینی
خاطرینده مکنون
نیت زیارت
.
آستانۀ پاکه یوز قویا
اولسا لطف اوزیله
یارکار اباالفضل
.
.
سبک_نهر_علقمه_قویدی_چون_قدم
با صدای استاد بزرگوارم ، حاج صاحبعلی ببیرپور


.
عباسیه_شجاعت
عباسیه_شهادت فرات
نهر_علقمه_قویدی_چون_قدم_کربلا_وزیری
یحیوی_اردبیلی
بساط_کربلا_یحیوی
ترکی
.
✍️ زبدهالاشعار ✍️

🆔: @nohe_torki

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *