خانه / اشعار و مدایح / ای گوزی قاره حسن جانم حسن جانم

ای گوزی قاره حسن جانم حسن جانم

مدح و میلادیه حضرت امام حسن مجتبی علیه السلام


متقی تبریزی

ای گوزی قاره حسن جانم حسن جانم
دردیمه چاره حسن جانم حسن جانم
یات سینم اوسته دیوم لایلای دیوم لایلای
باخ من یاره حسن جانم حسن جانم

سن کیمی ایستکلی ای اولماز
حسنیوه هیچ کیمسه تای اولماز
گور نه گوزل پای ویروب الله
سن کیمی زهرایه پای اولماز
کُر
دردیمیزه حسن دوادی
شاه کرم قبله نمادی
مریضون اولسا یمه غصه
سسله ادین ادی شفادی

روحیمه جانان حسن جانم حسن جانم
حیدره شایان حسن جانم حسن جانم
حیدری منسب منه دلبر مه انور
شمع فروزان حسن جانم حسن جانم

ای شرفین یرده هلالی
اهل ادبون قیل و مقالی
یوخدور سنه همتا یر یوزونده
یوسف ده گوره کاش بو جمالی

غنچه زیبا حسن جانم حسن جانم
یوسف بطحاحسن جانم حسن جانم
آغلامااوغلوم سنه قربان گوزل جیران
خادمی حوراحسن جانم حسن جانم

گوزلروون واردی خماری
فاطمه نون سویملی یاری
گولسون اگر صحن چمنده
مست ایلیر کل هزاری

دردیمه درمان حسن جانم حسن جانم
جان سنه قربان حسن جانم حسن جانم
کرب وبلانی ایله قسمت بیزه مولا
گر اولا امکان حسن جانم حسن جانم

حسرت دیداره بورونوک
زلف غمیله بیز هورونک
قسمت اولا قبر حسینون
سینه لر اوستونده سورونوک

سبک

حسنیه_میلادیه ماه_رمضان حسنیه
ای_گوزی_قاره_حسن_جانم_حسن_جانم
متقی_تبریزی
ترکی

  ورود به شام ۳۰۱۵

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *