خانه / اشعار و مدایح / آسمان تابناک عصمته اختر گلوب

آسمان تابناک عصمته اختر گلوب

مدح و میلادیه حضرت امام حسن مجتبی علیه السلام


محمد علی مصیبی تبریزی

آسمان تابناک عصمته اختر گلوب
محفل آل ُ اللّهَه تندیس پیغمبرگلوب

شهریثرب غرق شوروابتهاج اولموش بوگون
مجمع عشّاقه سردمدار مه پیکرگلوب

سیّد و سبط و امین و مجتبایه منتسب
هم زکیّ و حجّت و هم زاهد و شُبَّرگلوب

رابعِ آل عبا تنهاترین سردار عشق
سبط طاهادور ولایت ملکینه زیورگلوب

ماه رحمت ده گلوب دریای رحمت جوششه
کشتی دین نبیّ خاتَمه لنگرگلوب

گوهر گنجینۀ زهرای اطهردور حَسن
خاندان عترته بیر گوهر دیگرگلوب

مصطفایه افتخار و مرتضایه اعتبار
جرعه نوشان اَلَسته آیری تاج سرگلوب

کان احسان و کرامت دور کریم اهل بیت
حاتم طائیّ و مین لر حاتمه سرورگلوب

ماه یثرب نیمۀ ماه ضیافت گورسنوب
آسمان خلقته بیر کوکب انور گلوب

گوهر کنز ولایت دور آچوب گوز عالمه
دُرج رنگین فام عشقه پربها گوهر گلوب

بضعۀ زهرای اطهردور ، قرار ِ مرتضی
شوق وصل مجتبادن جوششه کوثرگلوب

طلعتی مه قامتی طوبا یوزی قرص قمر
آسمان هل اتی یه ماه خوش منظرگلوب

مقدم پیغمبره تبریکه گلدی عرشیان
مجتبانی گورماقا جبریل ِ نام آورگلوب

هاتف غیبی ندا وئردی رواقِ عرشیدن
بیر ندایی که تمام عالمه یکسرگلوب

یامحمد واردی ازبس عشقیوه عشقیم منیم
وئرمیشم زهرایه بیرگول کی سنه بنزرگلوب

طلعتی آیینۀ طاها نمادور دهریده
تاج شأنی گلرخان عالمه افسر گلوب

عشقیوین سرمستیم ای ساقی صهبای عشق
جام احسانه «مُصَیّب»گوزتیکوب نوکرگلوب

حسنیه_میلادیه ماه_رمضان حسنیه
آسمان_تابناک_عصمته_اختر_گلوب
مصیبی_تبریزی
ترکی

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *