خانه / اشعار و مدایح / بندۀ من خالقم من سوز دل وار ساز ایله

بندۀ من خالقم من سوز دل وار ساز ایله

بندۀ من…

حاج اصغر فرشچی (عدلی تبریزی)

بندۀ من خالقم من سوز دل وار ساز ایله
حاجتون وار تنگ دل اولما منه ابراز ایله

اولما مأیوس کیمسه گر باب محبّت آچماسا
آچموشام باب کرم گل اخم صورت باز ایله

ایسته حاجت صدقیلن کیمسن و یا هر دینده سن
ویرمه سم شِکوه دلون آچ سن منه آغاز ایله

اهل ناری من بهشتی ایلرم بیر توبیه
توبه ایت هم صالح اول اعمالیوی ممتاز ایله

غم یمه گر قد خمیده ایلیوب بار گنه
دل فقط باغلا منه هم ترک حرص و آز ایله

دام نفسه گر گرفتار اولموسان سسله منی
ایت توکّل روحیوی آمادۀ پرواز ایله

سر به زیر و سرفکنده گل سرافراز ایلرم
عابد اول معبوده سن پس دعوی اعجاز ایله

سن مقام توبه ده کبر و ریادن ایت حذر
من خریدارم سنه سن دنیالارجان ناز ایله

« عدلیه » باخ سعی ایدور درگاهیمه سالسون اوزون
هنگ عشقه هی دیور ربیم منی سرباز ایله

#مناجات
#بنده_من_خالقم_من_سوز_دل_وار_ساز_ایله
#عدلی_تبریزی
#ترکی

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *