خانه / اشعار و مدایح / تا وار نفس مصیبتیوه آغلارام حسین

تا وار نفس مصیبتیوه آغلارام حسین

وداع امام حسین (ع)


علیرضا عباسی (احسان تبریزی)

تا وار نفس مصیبتیوه آغلارام حسین
حقسن سنون حقیقتیوه آغلارام حسین

دیل آچمشام آدونلا آقا دیل آچان زمان
دیل ویرمیشم کی محنتیوه آغلارام حسین

دورت یاش واریدی منده سنه عاشق اولموشام
بیمار عشقیوم که فرقتیوه آغلارام حسین

گیزلینده آغلاماقه مدام عادت ایتمشم
مکنون اولان محبّتیوه آغلارام حسین

یاد ایلرم سوسوزلوقون ای تشنه جان وئرن
لبلرده کی سو حسرتیوه آغلارام حسین

قاره غلامه فخر ایدرم نوکر اولماقی
یارانِ باشرافتیوه آغلارام حسین

عکسین چکیب اورکده گوزه ل بارگاهیوین
هر دم باخوب عمارتیوه آغلارام حسین

ای پادشاه یوم جزا کربلا ده کی
برپا اولان قیامتیوه آغلارام حسین

گورَّم او چولده دورین آلوب لشگر ستم
بی یاریسن او ساعتیوه آغلارام حسین

گورَّم آلوبدی دور برین خردا قیزلارین
اول دل شکسته عترتیوه آغلارام حسین

اولدم کی الوداع دیدون ای آل مصطفا
دل یاندیران وصیتیوه آغلارام حسین

قول بوینوا سکینه ایلن فاطمه سالوب
اشکین آخوردی صورتیوه آغلارام حسین

حسرتله قیزلارون باخوردی سنه سنده قیزلارا
لاتحرقوا ده نیّتیوه آغلارام حسین

زینب باجون گوروب گئدیسن سسلدی دیدی
بو آیریلیق بو غربتیوه آغلارام حسین

آهسته گیتگیلن باجووین آلما صبرینی
تا زنده ام بو حالتیوه آغلارام حسین

اوغلون ئولوبدی داغ چکیلیب سینوه اخا
غمدن خمیده قامتیوه آغلارام حسین

قلبیم یانور بو آیریلیقا صبر ائدیم نئجه
برهم اولان جلالتیوه آغلارام حسین

گئتمه دایانگیلان او سوسوز حنجرین ئوپوم
تا وار نفس بو هجرتیوه آغلارام حسین

حسینیه_مدح
وداع
حسینیه_وداع
تا_وار_نفس_مصیبتیوه_آغلارام_حسین
علیرضا_عباسی
ترکی

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *