خانه / اشعار و مدایح / حضرت عشق گلوب، خلقته سرمایه گلوب

حضرت عشق گلوب، خلقته سرمایه گلوب

میلادیه حضرت امام حسن مجتبی علیه السلام

سیفی اردبیلی

حضرت عشق گلوب، خلقته سرمایه گلوب
یدّی گوی اولدوزیجان یثربه پیرایه گلوب

دامن اقدس زهراده حسن که گوز آچوب
دل بیداری اولان شور تولّایه گلوب

نور میخانه سنه روحُ الامین ساقی اولوب
مستی عشق گزن درگه مولایه گلوب

بارالها نجه انساندی بو مولود شریف
ملکوت اهلی سراسیمه تماشایه گلوب

کعبه مولودینه الله بیر اوغول بذل ایلیوب
قَدَمیندن عظمت مَسجدالاقصایه گلوب

نوریدی حیدر ئوزی سایه تاپولمازدی اونا
عجبا نُورٌ علی نوره بو گون سایه گلوب

یارانوب بیت عدالتده ز بس شور و شُعَف
خلق فکر ایلدی پیغَمبرایچون آیَه گلوب

نیلیوب خالق هستی، قالوب آواره عقول
بو گوزللیک هَلَه نه شرح و نه مَعنایه گلوب

آیا، اُلدوزلارا، تشبیهی غلط دور حَسَنون
کوثرون سوره سی بوندان صورا زهرایه گلوب

حسنیه_میلادیه ماه_رمضان حسنیه
حضرت_عشق_گلوب
سیفی_اردبیلی
ترکی

  بولمورم شیعه نه مِحنَت یوز ویروب آیا سیزه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *