خانه / اشعار و مدایح / الله الله شاه خیبر

الله الله شاه خیبر

در ضربت خوردن حضرت امیرالمومنین علیه السلام


حاج علی پور علی ( جاهد )

الله الله شاه خیبر
کوفه ده قانه بویاندی
سجده دن باش قوزیاندا
فرق حیدر پارچالاندی

دین یتیم اولدی باور یخیلدی
قانلی محرابه حیدر یخیلدی

ئولدی ایمانین پناهی
سیندی دینین تکیه گاهی
هیکل قرآن یخیلدی
تیتردی عرش الهی
گلدی فریاده پیمبر
ئولدی دینین سرسپاهی

دین یتیم اولدی باور یخیلدی
قانلی محرابه حیدر یخیلدی

تیغ کین ابن ملجم
بولدی فرق مرتضانی
پارچالاندی فرق مولا
سجده گاهه آخدی قانی
اولدی محراب عبادت
باش قانیندان ارغوانی

دین یتیم اولدی باور یخیلدی
قانلی محرابه حیدر یخیلدی

ئولدی قرآن جانفداسی
آیت سبحان یخیلدی
باشه قاره سالدی زینب
ناطق قرآن یخیلدی
حیدرین باشلاندی یاسی
خانۀ ایمان یخیلدی

دین یتیم اولدی باور یخیلدی
قانلی محرابه حیدر یخیلدی

قانینه غرق اولدی حیدر
غم عدالتدن باج آلدی
راحت اولدی شاه مردان
باشینه قاندان تاج آلدی
کوفه ده ویرانه لردن
ناله افلاکه اوجالدی

دین یتیم اولدی باور یخیلدی
قانلی محرابه حیدر یخیلدی

سینه لرده قانه دوندی
داغ حیدردن ئورک لر
فاطمه قاره گییندی
باشه سالدی قاره معجر
بی غذا قالدی یتیملر
ئولدی حیدر ئولدی حیدر

دین یتیم اولدی باور یخیلدی
قانلی محرابه حیدر یخیلدی

سبک_کوفه_را_ماتم_گرفته

حیدریه حیدریه_شهادت ماه_رمضان
الله_الله_شاه_خیبر
جاهد
ترکی

  شهریار ملک ایران پادشاه کشور جان

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *