خانه / اشعار و مدایح / زبده الاشعار / ساقی منه می بذل ایله ماه رمضاندی

ساقی منه می بذل ایله ماه رمضاندی

رمضانیه

هدایتی تبریزی

ساقی منه می بذل ایله ماه رمضاندی
تعجیل ایله گون ایندی چخار وقت اذاندی

می ایچدیر اولوم مست و خراباتی و سرخوش
مستانه لقین فیضی دی کی تک جه قالاندی

یانسن ئورگی خلقی سالان می دن اوزاقه
عطشان ئورگیم می هوسنده ایله یاندی

میخانه نی الله گوروم آباد اولا هر دم
میخانه دیمه ، معبد عشّاق جهاندی

میخانه ده یوخ کذب و ریا ، بخل و حسادت
منصوب ایلمه مستی بو انصابه یالاندی

مخموره نه لازمدی چاتا نام و نشانه
مستان جهان دهرده بی نام و نشاندی

شیخ عمرونی مسجدده ویریر ذکریله باشه
پیوسته ایله عاقبتندن نگراندی

مستین نظرنده نه جهان واردی نه جنّت
یارین نظری مدّ نظردی ، بو عیاندی

دنیا نه دی ، عقبا نه دی ، یاریم منیم اولسون
یارین نظر لطفی منه فوق جناندی

سعی ایله (هدایت) آلاسان کام وی می دن
می دن داها وار هر نمنه درده سالاندی

 رمضانیه ماه_رمصان
 ساقی_منه_می_بذل_ایله_ماه_رمضاندی
 هدایت_تبریزی
 ترکی

  بافد دوباره باد صبا حله بر چمن

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *