خانه / اشعار و مدایح / زبده الاشعار / لطف ایله عباداتیمی ناب ایله الهی

لطف ایله عباداتیمی ناب ایله الهی

مناجات

سیفی اردبیلی

لطف ایله عباداتیمی ناب ایله الهی
عبدونده قصور اولسادا تاب ایله الهی

ای رحمت و احسانی اولان لایَتناهی
درویش در عشقی مجاب ایله الهی

من مشتری ام حُسنوه آئینه دیلده
سنده آرادان رَدّ حجاب ایله الهی

میخانۀ خلقتده خُمارم سنه خاطر
آواره وی مهمانِ شراب ایله الهی

سَنسَن بیلورم مالک میخانه دَه می دَه
عشقونده منی مَست و خراب ایله الهی

موسیٰ کیمی تَردیدَه دوشوب گر دیسَم اَرنی
گوگلون نه سیاق سؤیسه عِتاب ایله الهی

من خوشلامورام یوسفه بذل ایلدیگوندن
آز طاعتیمی قابل حساب ایله الهی

ویر عرضۀ خدمت منه حیدر قاپوسیندا
عهدیمده خلاف اولسا عذاب ایله الهی

سن لطف ایلدون گُل بِجَرَه خامۀ « سیفی»
گُللَر ثَمرین ناب گُلاب ایله الهی

 مناجات
 لطف_ایله_عباداتیمی_ناب_ایله_الهی
 سیفی_اردبیلی
 ترکی

  دور یاتما زینب آی بختی قاره

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *