خانه / اشعار و مدایح / زبده الاشعار / او قدر ائیلمیشم عمریده خطا یارب

او قدر ائیلمیشم عمریده خطا یارب

مناجات

محمد هوشمند


او قدر ائیلمیشم عمریده خطا یارب
اورک سوزون دئماقا ائیلیره م حیا یارب

هوای نفس منییم روحیمی اسیر ائلییوب
همیشه ائیلمیشم نفسیمه جفا یارب

نه چاره واردی اگر شامل اولماسا حالیما
بو آیدا مغفرت و رحمت و عطا یارب

شفیع درگهیوه اهلبیت و قرآنی
گتیرمیشم ائدیرم سندن التجا یارب

منیم گناهیم اگر چوخدا اولسا آگاهم
که لطف و رحمتیوه یوخدی انتها یارب

سنی قسم وئریرم مرتضایه دوت الیمی
شکسته قلبیمه وئر رونق و صفا یارب

امیدیله بو گئجه گلمیشم سنین قاپوا
که بلکه سن ائده سن دردیمه دوا یارب

قرا یوزیله سنین درگهینده من قوناقام
منیمده حاجتیمی ائت گیلن روا یارب

نقدرعیبیمه لطفیله پرده چکدین سن
باغیشلا بو گئجه لطفیله هکذا یارب

بهانه اولدی شب قدر الیمده من گلدیم
عنایت ائیله اولوم حقه آشنا یارب

 مناجات
 شب_قدر
 او_قدر_ائیلمیشم_عمریده_خطا_یارب
 مدهوش_تبریزی
 ترکی

  هر درد بی دوا را درمان کند رقیه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *