خانه / اشعار و مدایح / زبده الاشعار / گلور منادی غیبی بو نوع فریاده

گلور منادی غیبی بو نوع فریاده

مدح و میلادیه حضرت امام حسن مجتبی علیه السلام

مرحوم حسینی سعدی زمان

گلور منادی غیبی بو نوع فریاده
خموش اوتور ما دیور مجتبانی سال یاده

بتولیدن متولّد اولوب امام حسن
جمالی انفس و آفاقی ایلیوب روشن

علیدی بحر شرف، فاطمه حیا صدفی
نهانیدی او صدفده همین بو دُرّ عَدَن

دُرِ یگانۀ کنز علوم ربّانی
مه صیامین اولوب نیمه سینده گون تک علن

ترابه ویردی شرف بوتراب سوگلوسی
مدینه توپراقینا غبطه ایتدی چرخ کهن

شکفته لندی امامت باغیندا بیر نوگل
بهار فصلی گلیندن خجالت اولدی چمن

بونا عدیل دگل هاردا بیر گوزل گل وار
بونون یانیندا گل و گلستانه وار نه ثمن

نظیری عالم امکانه گلمیوب گلمز
آدی حسن، اوزی هم خَلق و خُلقی مُستَحسَن

کنیز فاطمه اسمادی راوی مطلب
دیر همینکه آنادان اولوب امام حسن

وجودینه ایلدیم زر حُلّه پیچیده
باخان دیردی ساری گل آچوبدی بیر گلشن

گلوب او حالیده جدّی پیمبر رحمت
بویوردی گل گتور اسما بالامی یانیمه من

قُماطینی الیمه دسته گل کیمی آلدیم
حضور حضرت پیغمبره یتوردوم من

آلوبدی جان کیمی باسدی بالاسین آغوشه
اُپوب دوداقلارینی آغلادی او شاه زمن

دونوب باخوب منه فرمایش ایتدی یا اسما
بالامی چولقاموسان بو ساری لباسه ندن

ساری لباس دگول اوغلوما برازنده
بیچوب قضا بونا بیر سبز پیراهن

معاینه گورورم زهر دوغریوب جگرین
دوروبدی قان لب لعلینده چون عقیق یمن

دولاندی دوره همین سرّ آشکار اولدی
حسن ئولوب اونا ایتدی حسین غسل و کفن

کفنسیز ئولدی ولی کربلا چولینده حسین
تاپولمادی او غریبین جنازه سین گوتورن

جدا باشیندا یارالی باشی گیدوب شامه
قوری یر اوسته قالوب بی کفن یارالی بدن

  ایتدی حرکت ئوز وطنیندن گوزی آغلار

بیر آیری طرزیله حالات مجتبانی دیوم
دگول بیانه گلن بو بلا و درد و محن

فصیح لر دیه بولموب کَما هُوَ حَقُّه
نجه « حسینی» دیر سن کیمی دلی الکن

حسنیه_میلادیه ماه_رمضان حسنیه
گلور_منادی_غیبی_بو_نوع_فریاده
سعدی_زمان
چهارده_معصوم_حسینی ص ۵۸
ترکی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *