خانه / اشعار و مدایح / زبده الاشعار / بو آیین جلوۀ هدایتی وار

بو آیین جلوۀ هدایتی وار

رمضانیه

واصف مرندی

بو آیین جلوۀ هدایتی وار
نچه مین آیه و روایتی وار

دوزدی فانی سرادی دنیاسی
ولی چوخ جاودانه آیتی وار

فرصتی فوته وئرمز عمرونده
هر کیمین درکی وار درایتی وار

بو مجالسده ساکت اگلشمز
هر کسین عشقیدن حمایتی وار

گر سوسوز قالسا سوز حال تاپار
دئسه گر واقعی حکایتی وار

اگر آج قالسا نفسه یالوارماز
نه تمنّاسی نه شکایتی وار

باخسا کیم دقّتیله تقویمه
بو آیین بیر گوزل ولادتی وار

گوز آچیب عالمه امام حسن
باشینین تاج سر سیادتی وار

آناسی قلباً افتخار ایلر
عمرونون جاودان سعادتی وار

هر ائوین ایلکی سین چوخ ایستللر
بو سوزون ائللره اصالتی وار

آچیلیبدور امام حسن قاپیسی
هر کیمین هر نقدری حاجتی وار

مجتبی دن قالیب بو احسانلار
هانکی شاهین بئله علامتی وار

آدینین احترامینی ساخلار
هر کسین واقعی لیاقتی وار

نه حَسندور گوزلللرین گوزلی
رتبۀ برتر امامتی وار

ئوزونون موضع رسالتی وار
سوزونون لذّت و حلاوتی وار

سسینین قاطعی فصاحتی وار
ائلینین اصلی وار نجابتی وار

الینین نعمت وسخاوتی وار
لطفونون قوت و ضمانتی وار

قاپیسیندا گدا اولا هر کیم
فانی سلطانلارا شرافتی وار

صلحونی مین پیمبر امضالییب
بئله فکر ائتمیین حقارتی وار

صلحه مجبور ائدیب مین اوزلولری
مرتضی اوغلودی شجاعتی وار

مطلبیم پاک اورکلره یاپیشار
شعریمه چونکی ئوز عنایتی وار

آدینی قاره پرچم اوسته ئوپر
هر کسین نیت زیارتی وار

زندگی سی نفاقیلن پوزولوب
عمرونون دلشکن شهادتی وار

نه شهادت نه زهر نه قاتل
نقدر کینه و قصاوتی وار

آغزی دولموشدی لخته قانیلن
نه توانی نه ده جراحتی وار

سسله نیر گل آنا ئولور حسنین
جان وئریر درد غملی حالتی وار

  یخیلدی نهرین کنارینده بیر سوسوز سقا #عباسیه #نادربابایی

زینبیم باشیم اوسته تنهادی
نه توانی نه صبر و طاقتی وار

گوزوم الان حسینی آختاریری
نقدر یولّارین مساحتی وار

گر حسینیم یتورسه امداده
حاجتین راه رسم راحتی وار

بیرده هرکیم حسینه آغلاسا گر
اجر و پاداش بی نهایتی وار

ایستیرم منده آغلیام حالینا
چونکی مندن بلالی ساعتی وار

 رمضانیه ماه_رمصان
 حسنیه_مدح  حسنیه
 حسنیه_شهادت
 بو_آیین_جلوۀ_هدایتی_وار
 واصف_مرندی
 ترکی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *